နှစ်ဖက်စလုံး
ရူးရူးမူးမူးချစ်ရာကနေ...
ကိုယ့်ဘက်က နည်းနည်းခိုပြီး
သူများချစ်တာပဲ မှိန်းလိုက်ကြည့်တယ်..
သူပင်ပန်းလာတော့..
ကိုယ်တလှည့် ပြန်ချစ်တာမျိုး..
အချစ်က ပျော်အောင်နေရင်
လေးနက်ပြီး စိတ်ချမ်းမြေ့စရာ..
အပြန်အလှန် နားလည်ရင်တော့
အတိုင်းထက်အလွန်ပေါ့..
တနှစ်ထက်တနှစ်
ပိုတိုးချစ်လို့
အသက်ကြီးတဲ့ထိ
အချစ် သစ္စာတွေနဲ့
ခရီးဆက်ကြည့်ရအောင်....။ ။
ကောင်လေးရေ... ...
ငါ့ရဲ့ အချစ်တွေက
အပြစ်မြင်စရာ ဖြစ်ခဲ့ရင်... ။
ဒါမှမဟုတ်
နင့်အတွက်
အဆိပ်တွေ ဖြစ်ခဲ့ရင်လေ...။
အတွေးနဲ့တင်
နင့်ကို အရမ်းအားနာရပါတယ်...။
ဖြေဆေးဖော်ဖို့ ကြိုးစားရင်း
အဆိပ်ဖြစ်ဖြစ်သွားစေတဲ့အတွက်
ငါလည်း အရမ်းနာကျင်ခဲ့..
နာကျင်ဆဲပါပဲ....။
မသေချာမှုတွေ
စိစစ်မဆုံးခင်
နင်စာတမ်းထိုးပေးလိုက်တယ်
"The End" တဲ့...။ ။
တိုက်ဆိုင်မှုရှိတိုင်း
သတိရ အမှတ်ရခြင်းဟာ
အလွမ်းဆိုရင်
မင်းကို လွမ်းနေတယ်ထင်ရဲ့နော်.....။
အချိန်တိုင်းလွမ်းနေတာ
အချစ်ရဲ့ တစိတ်တပိုင်းဆိုရင်တော့
မင်းကို ချစ်နေမိတယ် ထင်ရဲ့ကွယ်.....။
နေမယ်ဆိုရင်
ထာဝရ ပိုင်ဆိုင်ချင်ပေမယ့်
ထွက်သွားမယ်ဆိုရင်လည်း
ပျံသန်းခွင့် မင်းကို ပေးလိုက်မယ်
အရာရာ မင်းရဲ့အမိန့်တိုင်းသာ..........။
ရယူခြင်းနဲ့ စွန့်လွှတ်ခြင်းကြားမှာ
နှလုံးသားက စစ်မြေပြင်မဖြစ်သင့်တော့ဘူးလေ
နောက်တခါ နာကျင်ရရင်
တစစီ ကွဲကြေသွားလိမ့်မယ်............။
တကယ်လို့သာ
တန်ခိုးရှင်တယောက်လို
အရာရာကို ကြိုတင်ပြီး
မြင်နိုင်စွမ်း
ရှိခဲ့ရင်ပေါ့လေ.......။
တကယ်လို့သာ
အခြေအနေ အသွယ်သွယ်
အကြောင်းအရာ အမျိုးမျိုးတွေကို
တဒင်္ဂလေး
ရပ်ထားနိုင်စွမ်း ရှိခဲ့မယ်ဆိုရင်လေ.......။
အချိန်တွေ ပြောင်းပြန်လှည့်
သက္ကရာဇ်တွေ ဖြိုချလို့
ပြက္ခဒိန်ကို ဆုတ်ဖြဲပစ်ရုံနဲ့
တကယ်လို့သာ
အတိတ်ကို ပြန်လို့ရခဲ့ရင်လေ.......။
အင်း....................
တကယ်လို့သာပေါ့လေ............။
ရက်စက်တယ် ချစ်သူရယ်...
နှလုံးသားရဲ့ တနေရာထဲမှာ
တရှိုက်မက်မက်နဲ့
ရူးသွပ်ခဲ့ရတဲ့
နင့်ရဲ့အချစ်တွေအတွက်
ရလာဒ်က ခါးသီးလွန်းလို့..........။
မညီမျှတဲ့ ပြိုင်မျဉ်းနှစ်ခုကို
ဆုံမှတ်တခု သတ်မှတ်ချင်နေတဲ့ ငါ.....
နင့်အတွက်တော့
နိမိတ်ဆိုးတခု ဖြစ်ခနေမှာပါ...........။
နင့်ရဲ့ စကားလုံးတွေအောက်
မာနတွေအရည်ပျော်
သိက္ခာတွေ ချွတ်ခြုံကျ
ရင်ခုန်သံတခုတည်းကိုသာ ကဗျာစပ်ခဲ့သမျှ
ခုတော့ နှလုံးသားဝတ်ရုံအောက်မှာ
ချစ်ခြင်းဝတ်မှုံတွေ ပျောက်ခဲ့ပြီ.......။
နင်တကယ်မချစ်ဘူးဆိုတာ
ငါ့ဦးနှောက်က သိပေမယ့်
နှလုံးသားနဲ့ ဇွတ်မှိတ်ယုံတဲ့ထိ
ငါ တကယ် ရူးခဲ့တာလေ...........။
နင့်ကို ချစ်တယ်
ချစ်ခဲ့တယ်
ချစ်နေတုန်း..........
နင်က ရက်စက်တယ်
ရက်စက်ခဲ့တယ်
ရက်စက်နေအုံးမှာပဲ.................။
အပြောချောချော
အသံချိုချို
ရိုးသားဟန်နဲ့
ယုံကြည်ခင်မင်မှုကို
အရယူသွားခဲ့တယ်...။
နှမချင်းမစာ
ကိုယ်ချင်းလည်း မနာ
အတ္တကို ငုံပြီးများ
မွေးလာလေသလား
ထင်မှတ်မှားရတယ်.......။
ကိုယ့်လိပ်ပြာမှ အားမနာ
ကိုယ့်သမိုင်းကိုယ်ရေးလို့
သူမို့ မရှက်တယ်...။
နိုင်ငံကြီးသားပီသပုံက
ငခုံးမတကောင်ကြောင့်
တလှေလုံးပုပ်တောင်
သူနဲ့မဆိုင်
နေနိုင်လွန်းတယ်...။
နာကျင်မှုကို အဖော်ပြုလို့
ပန်းတိုင်သို့တခေါက်
အရောက်သွားနေချိန်.....။
ပျော်ရွှင်မှုတွေလွင့်ပြေး
ခန္ဓာကိုယ်တခုလုံးပဲ့ကြွေမတတ်
ရင်တခုလုံးကွဲအက်လို့
ကံကြမ္မာ မျက်လှည့်ကြောင့်
ငါ့ကောင်းကင်ကြီးက မှောင်နေခဲ့ပြီ......။
ခါးသီးမှုဒဏ်ကို မြိုသိပ်ခံရင်း
မတော်လို့များ
ဦးတည်ရာ လမ်းခုလတ်မှာ
ငါ... ကြွေခဲ့ရင်လေ.......။
နွေးထွေးမှုနဲ့ အားအင်ပေးပြီး
မြင်သူတိုင်း ရင်အေးချမ်းစေတဲ့
ကောင်းကင်.....
တခါတခါ
ဖြူလွှလွှ တိမ်စိုင်တွေဝန်းရံလို့...
တောက်ပတဲ့နေ့သစ်တွေ ဖန်တီးပြီး
အလှကြီးလှနေတဲ့ ကောင်းကင်.....
အနွေးဓါတ်နဲ့ အေးချမ်းမှုတွေ
တလှည့်စီပေးနေတဲ့
ဒီကောင်းကင်ကြီးရဲ့ ရင်ငွေ့အောက်မှာပဲ
ပန်းကလေးတွေ
ရှင်သန်ဖူးပွင့်နေကြလေရဲ့..........
ကောင်းကင်ကြီးက မိခင်ဆို
ပန်းကလေးတွေက ရင်သွေးငယ်ပေါ့....
တနေ့မှာ
ညစ်ပုပ်နေတဲ့ တိမ်မဲတွေက
မိခင်နဲ့ ရင်သွေးကြားမှာ
ကန့်လန့်ကာထားလိုက်ပြီး
ကောင်းကင်ကြီးက
အကျည်းတန်စွာ ချုပ်နှောင်ခံလိုက်ရသလို
လတ်ဆတ်တဲ့ ပန်းကလေးတွေဟာလည်း
အဆိပ်သင့်ခဲ့ရတယ်လေ.....
ဒါပေမယ့်လေ....
အချိန်တန်ရင်တော့
တိမ်ပုပ်တွေက
လေနဲ့အတူလွင့်သွားမှာပါပဲ
အဲဒီအချိန်မှာ
အနှောင်အဖွဲ့ကင်းပြီး
ကြည်လင်လှပနေတဲ့ ကောင်းကင်တခုကို
ဘယ်တော့များမှ
ပန်းကလေးတွေ မြင်နိုင်စွမ်းရှိမလဲနော်...........။
ဓနဂုဏ်မောက်ရအောင်
မချမ်းသာပါဘူးကွာ
ထမင်းတောင် နပ်မှန်အောင်
မနည်းရှာစားနေရတာ
ရွှေငွေဆိုတာ နတ္ထိပေါ့.........
ဆရာကြီးစတိုင်နဲ့နေရအောင်
ပညာတတ်ကြီးမဟုတ်ပါဘူးကွာ
ပြောချင်တာတွေကို
စီကာပတ်ကုံးပြောနိုင်ဖို့တောင်
အတော်ကြိုးစားယူရတာ.......
အလှမာန်တက်ရအောင်
ရုပ်လည်းမချောပါဘူးကွာ
တိတ်တခိုးချစ်သူကို
ဆက်ချစ်နေဖို့တောင်
အလိုလို သိမ်ငယ်နေရတဲ့အဖြစ်ပါ......
အရေးအသားကောင်းရအောင်
စာရေးဆရာကြီးလည်း မဟုတ်ပါဘူးကွာ
စိတ်ထဲရှိတာတွေကို
စာကဗျာတွေဖြစ်ဖို့တောင်
အနိုင်နိုင် အသွင်ပြောင်းနေရဆဲပါ.....
နွေရာသီမှာ
တချိန်က ပျော်ရွှင်မှုကိုတွေးမိရင်
ကန္တာရထဲက အိုအေစစ်လို
ငါ့ကို အေးချမ်းမှုပေးစွမ်းတယ်....
ဆောင်းရာသီမှာ
တချိန်က လွတ်လပ်မှုတွေကို သတိရမိတိုင်း
လေပြေညှင်းလေးလို
ငါ့ကို လန်းဆန်းလတ်ဆတ်စေတယ်....
မိုးရာသီမှာ
တချိန်က နွေးထွေးမှုတွေက အတွေးထဲနေရာယူတိုင်း
တောက်ပတဲ့နေ့သစ်တွေလို
ငါ့ကို အဓိပ္ပါယ်အပြည့်နဲ့ ရှင်သန်စေတယ်.....
ရာသီတိုင်းမှာ
တချိန်က ပြယုဂ်တွေက
ကျန်သက်တမ်းမှာ
ငါ့ကို မျှော်လင့်ချက်နဲ့ အားပြည့်စေတယ်လေ...........
လမ်း
လန်းဆန်းလတ်ဆတ်တဲ့
အသည်းနှလုံးတစုံ
နောင်တချိန်မှာ.......
ပဲ့ကြွေကွဲအက်မလား
ခိုင်မာတဲ့အချစ်တွေနဲ့
မွမ်းမံထုဆစ်ထားမလား
ခါးသီးလှတဲ့ အတ္တတွေနဲ့ပဲ
ပုံသွင်းအကျဉ်းချထားမလား
မောဟတွေနဲ့ပဲ အမှောင်ဖုံးနေမလား ။
??????? ပေါင်းများစွာနဲ့
ပုံသေတွက်မရတဲ့
ပုစ္ဆာတပုဒ်လို
ကိုယ်ရွေးတဲ့ တွက်နည်းပေါ်မှာ
အဖြေတွေကတော့ ကွဲလွဲမှာပဲ ။
ဒါပေမယ့်
လျှို့ဝှက်ထားတဲ့
ဘုံတူညီမှုတော့ရှိတယ်
သက်ရောက်မှုတိုင်းမှာ
တန်ပြန်ပဲ့တင်သံတွေတော့
ရှိစမြဲပဲလေ.............။ ။
နောက်ကွယ်
မိုးက တစိမ့်စိမ့်နဲ့
အေးနေပေမယ့်
သောကတွေနဲ့
ပူဆွေးနေတယ် ။
မြိုသိပ်မနိုင်လောက်အောင်
ဖွင့်ဟပြောလိုက်ချင်နေပေမယ့်
မျက်ရည်တွေနဲ့သာ
အသွင်ပြောင်း အရည်ဖျော်ချနေရတယ်။
အပူရုပ်ကို
ဟန်လုပ်ရင်း
မျက်စိစုံမှိတ်
အံ့ကိုကြိတ်ခံခဲ့ရတယ်။
လျှပ်တပြက်မှာ
ဖြတ်အရိုက်ခံလိုက်ရတဲ့
မာနအတွက်
သတ်ချင်လောက်အောင်
မုန်းနေပေမယ့်
ပျားရည်ဖုံးပြီး
ပြုံးနေရတယ်။
တဒင်္ဂမြင်တွေ့ရတဲ့
မြင်ကွင်းတိုင်းရဲ့
နောက်ကွယ်မှာ
အရာရာတိုင်းက
အမြင်နဲ့တထပ်တည်းလို့
ဘယ်သူပြောနိုင်မှာလဲ။ ။
အောင်ဆန်းဇာနည်
မျှတတဲ့ သစ်ပင်လေး
သူငယ်ချင်းတို့ရေ.......
တို့တွေရဲ့ စုပေါင်းအားနဲ့
မျှတလှပတဲ့ သစ်ပင်ကလေးတွေ
ငြိမ်းချမ်းတဲ့ ကမ္ဘာကြီးပေါ်
အတူတကွ စိုက်ပျိုးကြရအောင် ။
လွှမ်းမိုးမှုကင်းတဲ့
မျိုးစေ့လေးတွေကို ကြဲပြီး
တူညီသောစိတ်တွေနဲ့
မျိုးစေ့လေးရှင်သန်အောင်
ပေါင်းသင်မြေနှုတ်
ပြုစုပျိုးထောင်ကြစို့ ။
အင်အားပြည့်စေမယ့်
နွေးထွေးမှုစွမ်းအင်နဲ့
နားလည်မှုမြေသြဇာကိုပေါင်းပြီး
ခွဲခြားမှုပိုးတွေ မကျရစေဖို့
မျှတခြင်း ဆေးတွေဖြန်းကာ
မျိုးစေ့လေးဖွံ့ဖြိုးအောင်
ပံ့ပိုးခြင်းဆိုတဲ့ ရေစင်တစ်ခွက်ကို
ထိန်းချုပ်မှုကင်းတဲ့ လက်တွေနဲ့
အားပါးတရလောင်းပေးကြမယ်နော် ။
နောက်ဆုံးတော့
တို့တွေမျှော်လင့်သလို
ငြိမ်းချမ်းခြင်း အခက်အလက်တွေနဲ့
ခွဲခြားမှုကင်းတဲ့ ပင်စည်ကြီးက
ယုံကြည်မှုအသီးပွင့်တွေကို
တူညီသော အရွက်တွေကြားမှာ
လွပ်လပ်စွာပွင့်ဖူးစေပါလိမ့်မယ် ။
အဲဒီအခါကျရင်
မျှတခြင်းဆိုတဲ့ သစ်ပင်လေးက
ရမယ့် တူညီတဲ့အသီးအပွင့်တွေကို
ညီမျှသောလက်နဲ့
အတူတူ ဆွတ်ခူးကြရအောင်နော် ။ ။
13-19 Gender Training အတွင်း အမှတ်တရ။
အိပ်မက်တစ္ဆေ
လူခြေတိတ်စ
ညသန်းခေါင်မှာ
ခြောက်ခြားလှစွာ
အိပ်မက် တစ်ခု
ငါမြင်မက်မိပေါ့.................။
ကူကယ်သူမဲ့
စာနာသူကင်း
အားပေးသူ နတ္ထိ
ကြောက်စရာ မျက်နှာကြီး တစ်ခုသာ
ငါ့ ပြေးလမ်းပေါ် ပိတ်ဆို့
ငါ့ အာရုံကို ၀ါးမြို
ငါ့ အိပ်မက်ကို ရုပ်ဆိုးစေခဲ့တယ်............။
လူတကာက
အပူပင်ကင်းစွာ
အိပ်မက်လှလှ မက်နေချိန်မှာ
ငါ့ လိုအိပ်မက်ဆိုး
ဘယ်နှယောက်များ မက်နေလေမလဲ..................။
အကယ်၍များ သိခဲ့ရင်
ဘ၀တူချင်း
ကူညီရင်းနဲ့
တူညီလက်များ
ထွေးကိုင်ဆုပ်ကာ
အိပ်မက် တစ္ဆေကို
တန်ပြန် တွန်းလှန်
အံတုလိုက်ချင်ပေရဲ့.................။ ။
