မာနတွေ ခ၀ါချဖို့
တို့တွေ မာန်မလျှော့ခဲ့ကြဘူး..
သူ့ထက်ငါ တင်းနိုင်လို့
ဂုဏ်ယူနေခဲ့ကြတယ်....။
အချိန်ဆိုတာ
အကန့်သတ်ရှိမှန်း
မေ့နေခဲ့တဲ့အခိုက်
အလိုက်သင့်လေးတောင်
မချင့်ချိန်နိုင်ခဲ့ဘူး...။
ပိုချစ်ခဲ့တယ်ဆိုရင်တောင်
ရှုံးမှာစိုးလို့
အပြိုင်မုန်းခဲ့တယ်.....။
ရှေ့ဆက်ဖို့ မဖြစ်နိုင်သလို
နောက်လည်း ပြန်မဆုတ်ချင်တော့
ကိုယ့်ခရီးကိုယ်ဆက်ရင်း
အပြိုင်သွားနေတဲ့ မျဉ်းလေးကို ငေး
မြင်နေရုံလေးကို ကျေနပ်ပါတယ်....။ ။
0 ပဲ့တင်သံ:
Post a Comment