Friday, August 29, 2008

မဆုံတဲ့ဖူးစာ


မဆုံတဲ့ဖူးစာ

ဝိုင်ဝိုင်း သီချင်းတော့ မဟုတ်ပါဘူး။ ကဗျာလေး တစ်ပုဒ်ပါ။ စာအုပ် တစ်အုပ် ဖတ်ရင်း ခံစားမိတဲ့ ခံစားချက် လေးတွေကို ကဗျာ သီလိုက် တာနော်။ တစ်မျိုး မထင်နဲ့.........:) ။

လေပြေလေညှင်းလေးက
ပန်းရနံ့တွေနဲ့ အတူ
ငါ့ပါးပေါ်ကို တိုးဝှေ့လာတိုင်း
မင်းကို လွမ်းတယ်.........။


ဆည်းလည်းသံ လေးတွေ
ငါ့နားထဲ ရောက်လာတိုင်း
မင်းကို တမ်းတတယ်.....။

စိမ်းလမ်းတဲ့ မြက်ခင်းပြင်ကနေ
ညို့ မှိုင်းနေတဲ့ တောင်တန်းတွေကို
ငါမြင်လေတိုင်း
မင်းကို သတိရတယ်.........။

အပြစ်မဲ့တဲ့ ကလေးတွေရဲ့
မျက်နှာလေးနဲ့
ရယ်သံတွေကြားတိုင်း
မင်းကို နှမြောမိတယ်........။

အိပ်ရာဘေးက
ဖုန်းကလေး ထမြည်တိုင်း
ခေါ်သူ မင်းဖြစ်ဖို့
ဆုတောင်းနေမိတယ်........။

အချိန်တိုင်း
နေရာတိုင်း
စက္ကန့်တိုင်းမှာ
မင်းကို လွမ်းတယ်ဆိုတာ
မင်း သိပါ့မလား ချစ်သူရယ်.........။

မဆုံတဲ့ဖူးစာ
နာကျင်စွာကြေကွဲ
မင်းမရှိတဲ့ ၀န်းကျင်
ခုတော့.. ငါတယောက်တည်းပေါ့.................။





စိတ်ဝင်စားသေးရင်...

ညကဗျာ

ညကဗျာ


လူတွေက ကောင်းကင် ပြာတွေ ကိုပဲ စာဖွဲ့လေ့ ရှိကြ တယ်နော်(များသော အားဖြင့်)။ ကျမကတော့ ညဘက်မှာ တွေ့ရတဲ့ ကောင်းကင်ကို ပိုပြီး နှစ်သက် ပါတယ်။ မနေ့ညတုန်းက ဘာရယ်မဟုတ် ကောင်းကင်ကို ကြည့်နေရင်း သူတို့ ပေးတဲ့ အေးချမ်း မှုကို ရရှိခဲ့တယ်။

သူတို့ ဆိုတာက ကောင်းကင်၊ တိမ်တိုက်တွေ၊ ကြယ်တွေ၊ လမင်း၊ လေပြေ စတာ တွေပေါ့။ ကောင်းကင် ရဲ့ အလှဟာ အဲဒါတွေ ရှိမှ ပိုပြီး ပြည့်စုံ တယ်လို့ ကျမ ယုံကြည် ထားတာ။ ။

ခုတလော ကိုယ့်ဟာကိုယ် အရှုပ်တွေ လုပ်နေ တာကြောင့် သူတို့ တွေကို မေ့နေ ခဲ့တာ။ ညတုန်း ကတော့ ရုပ်ရှင် (အလာကား ရလို့) ကြည့်ပြီး ပြန်အလာ ကားပေါ်မှာ ပျင်းပျင်းနဲ့ ကောင်းကင်က တိမ်တွေကို အမှတ် မထင် ကြည့်နေ မိတယ်။ တိမ်တွေ ကြားထဲက ကြယ်လေးတွေ လင်းလက် နေတာ ကြည်နူး စရာပါပဲ။ ကောင်းကင်က နေ့ခင်းလို အရောင် မတောက်တော့ ကြည့်ရတာ မျက်စိ အေးတယ်လေ... နော်။

လေ အဝှေ့မှာ တိမ်လေးတွေ လွင့်သွားတာ အရမ်း ကြည့်လို့ ကောင်းတယ် (မယုံ မရှိနဲ့)။ တိမ်ဖုံး သွားတဲ့ ကြယ်ကို စောင့်ကြည့် ရတဲ့ အရသာကို ဘာနဲ့မှ မလဲနိုင်ဘူး.. သိလား။ ကျမကတော့ တနေကုန် ဖိစီးထားတဲ့ စိတ်တွေကို ညဖက်မှာ ဒီနည်းနဲ့ လျော့သွားအောင် လုပ်တယ်။ ဒီနည်းက ကျမရဲ့ စိတ်ကို အေးချမ်းမှု အပေးနိုင် ဆုံးပဲ။

၁၀ တန်းတုန်း ကဆို အိပ်ငိုက်တိုင်း အပြင်ထွက်ပြီး ညကောင်းကင် ကိုကြည့် ရတာ အမော။ ခုချိန်ထိ စိတ်ဆိုး စရာတွေ၊ စိတ်ညစ် စရာတွေ၊ ပင်ပန်း မှုတွေကို ခံစား ရတဲ့ အခါတိုင်း ညကောင်းကင်ကို တမ်းတ တုန်းပါပဲ။ သူက ရမ္မက်၊ လောဘတွေ ကင်းရှင်းအောင် လုပ်ပေးနိုင်တယ်။ ညဖက် ရောက်လို့ ကောင်းကင်ကို ကြည့်မိတိုင်း ငယ်ငယ် တုန်းက ဘ၀ကို ပြန်အမှတ် ရမိတယ်။

နေပူရင် အလိုလို နေရင်း သွေးဆူပြီး စိတ်တွေ တိုနေ တတ်တာ။ ဒါကြောင့် ကျမက နေ့ထက် ညကို ပိုပြီး နှစ်သက် တယ်။ ညဖက်မှာ ကောင်းကင် ကိုကြည့်ပြီး ချစ်သူ တွေနဲ့ စကား ပြောတတ်တဲ့ သူတွေကတော့ ကျမထက် ပိုပြီး ညကဗျာကို ခံစား မိမှာပါ.... :) ။

တစ်ချိန် တုန်းကပေါ့ ကျမ စိတ်ညစ် အားငယ် နေတဲ့ အချိန်မှာ သူတို့က ကျမရဲ့ အဖေါ် ဖြစ်ခဲ့တယ်။ အချိန်တွေ ကြာလို့ တစ်ချို့  သူငယ်ချင်း တွေက ကျမ အပေါ် ပြောင်းလဲ သွားခဲ့ ပေမယ့် သူတို့က ကျမရဲ့ ထာဝရ မပြောင်း လဲတဲ့ အဖေါ် ပါပဲ။ ကျမ အတွက် ထာဝရ အေးချမ်းမှု ပေးနိုင်တဲ့ အဖေါ်ပေါ့။

ကဗျာ လေးလို ကျမကို အေးချမ်းမှုတွေ အမြဲ ပေးတဲ့ ညကို ကျမက ညကဗျာလို့ အမည်ပေး ထားတယ်။ အေးချမ်းမှုကို ရှာဖွေ နေတဲ့ သူငယ်ချင်းတွေ အားလုံးကို ကျမရဲ့ အိုအေစစ်လေး တစ်ခုဖြစ်တဲ့ ညကဗျာကို ဝေမျှ ပေးလိုက် တယ်နော်။

စိတ်ဝင်စားသေးရင်...

Friday, August 22, 2008

ကြယ်ရောင်တောက်တဲ့ည

ကြယ်ရောင်တောက်တဲ့ည

လသာညနဲ့ ကြယ်စင်တွေကို
မင်းကြောင့် ငါ.........
တွယ်တာတတ်ခဲ့ပြီ
ကြယ်စင်တွေကို ကြည့်နေတဲ့ချိန်
မင်းလည်း တစ်နေရာက
ကြည့်နေမှာပဲဆိုတဲ့ အသိနဲ့
ငါ.......... ကြည်နူးနေခဲ့ပေါ့...........။

တစ်ချိန်က မင်းနဲ့အတူ........
ဆောင်းရာသီထဲက လပြည့်ညမှာ
မြက်ခင်းပြင်ပေါ် ခြေဆင်းထိုင်ရင်း
ကောင်းကင်က ကြယ်တွေကို
နှစ်ယောက်အတူ ရေတွက်ကြည့်ခဲ့ဖူးတယ်
ဆောင်းကအေးပေမယ့်
မင်းရင်ခွင်ကြောင့် ငါနွေးထွေးနေခဲ့တယ်လေ..................။


ကိုယ်ပိုင် အလင်းနဲ့
တောက်ပနေတဲ့ ကြယ်တွေကို
ငါချစ်သလို မင်းလည်းနှစ်သက်လိမ့်မယ်လို့
ငါ့ရင်ထဲ စွဲမြဲစွာ ယုံကြည်ခဲ့ပေါ့ ချစ်သူ
ဒီတစ်ညမှာတော့ဖြင့်
တို့နှစ်ယောက်ရဲ့ ချစ်ခြင်းရောင်ပြန်ကြောင့်
ကြယ်တွေဟာ ပိုမိုတောက်ပနေလေရဲ့................။

မိုးအုပ်တဲ့နေ့တွေမှာ
ကြယ်တွေကို မမြင်ရပေမယ့်
ကြယ်ကလေးတွေကတော့
သူ့နေရာမှာ ရှိနေမြဲပါ...............။


ကြယ်လေးတွေလို
ငါတို့နှစ်ယောက်ဟာလည်း
အခြေအနေကြောင့်
မမြင်ကြရပေမယ့်
ငါတို့ရဲ့ချစ်ခြင်းတွေဟာ
ရင်ထဲမှာ ထာဝရအမြဲတောက်ပနေမှာပါ
................။

စိတ်ဝင်စားသေးရင်...

Thursday, August 21, 2008

တစ်နေ့


တစ်နေ့

မြတ်နိုးရှင်ဆိုတဲ့ ကောင်မလေး တစ် ယောက်ဟာ လူတစ်ယောက်ကို မထင် မှတ်ထားတဲ့ နေရာမှာ လျှပ်တစ်ပြက် တွေ့ရုံနဲ့ ချစ်မိသွားမယ်လို့ တစ်ကြိမ်မှ အိပ်မက် မမက်ခဲ့ဖူးပါ။ ဒါပေမယ့် သူမ ဟာ ပြည့်ဖြိုးဆိုတဲ့ ကောင်လေး တစ် ယောက်ကို မြင်မြင်ချင်း စွဲလမ်းလမ်း ချစ်မိသွားခဲ့တာ ရှေးရေစက်ကြောင့်ပဲ ထင်ပါရဲ့။

ကောင်လေးဆိုပေမယ့် သူမထက် သုံးလေးနှစ်လောက်တော့ ကြီးလိမ့်မယ် ထင်တယ်။ သူမတို့မြို့ကို ပြောင်းလာတဲ့ အင်ဂျင်နီယာသစ် တစ်ယောက် ပေါ့။ ဖူးစာရေးနတ်က သူမနဲ့ သူ့ကို တွေ့ဆုံ ပေးပုံက..........

ကိုးတန်း ကျောင်းပိတ်ချိန်....သင်္ကြန် နှစ်ဆန်း တစ်ရက်နေ့မှာပေါ့။ သူငယ်ချင်း တွေနဲ့ လည်ပတ်ဖို့ နေရာရွေးနေတုန်း ဧည့်သည် တွေနဲ့အတူ ရတနာကို တွေ့လိုက်ရတယ်။


အဲဒီ အချိန်မှာမှ သူ့ကို စတွေ့ခဲ့တာ။ အသား ညိုညိုနဲ့ ရှင်းသန့်ပေါ်လွင် နေတဲ့ သူ့ကို သူမ အသိအမှတ် မပြုပဲ မနေနိုင် ပါဘူး။ ထူထဲလှတဲ့ မျက်ခုံး အောက်က စူးရှရှ မျက်ဝန်းတွေ... ပိရိသေသပ်တဲ့ နှုတ်ခမ်းတစ်စုံနဲ့ ရယ်လိုက်တဲ့ အခါတိုင်း ပေါ်သွားတတ်တဲ့ သွားတက်ကလေး နှစ်ဖက်က စွဲမက်စရာပါပဲ...။

သူမတို့နဲ့ အပြန်အလှန် နှုတ်ဆက်ပြီးမကြာဘူး..... အရေးကြီးကိစ္စ ပေါ်လာလို့ ဆိုပြီး သူ ပြန်သွားခဲ့တယ်။ အဲဒီ အချိန်ကစပြီး သူမ သူ့ကို မသိစိတ်က စွဲလမ်းသွားခဲ့တာ။

အချိန် ကြာတဲ့အထိ သူမရဲ့ စွဲလမ်းမှုက ပျောက်ပျက် မသွားခဲ့ပါဘူး။ မသိ စိတ်က သူ့ကို နှလုံးသားရဲ့ အနက်ရှိုင်းဆုံး တစ်နေရာမှာ သိမ်းထားပြီးသား ဖြစ်နေလို့ပါပဲ။

သူမ ဆယ်တန်းရောက်တဲ့ အချိန်မှာတော့ စာတွေနဲ့ နပန်းလုံးနေရလို့ အချိန်ပြည့် သတိ မရနိုင်ပေမယ့်.. အိပ်ရာ ၀င်တိုင်း အိပ်မက်ထဲမှာ ရောက်လာတတ်လို့ အိပ်ရေးပျက်ရပေါင်း မနည်းတော့ပါဘူး။ အကြောင်း သိတဲ့ သူငယ်ချင်းတွေက ကောင်းချီးပေးကြတယ်.. “နင်.. ရူးနေပြီ”တဲ့။

တစ်နေ့.... ရတနာက ဧည့်သည်တွေကို ဘုရားလိုက်ပို့ဖို့ အဖေါ် မရှိတာကြောင့် သူမကို လာခေါ်တယ်။ အဲဒီမှာ သူနဲ့ ဒုတိယအကြိမ် ပြန်ဆုံခဲ့ရတယ်။ သူက ခင်မင်နှစ်လိုဖွယ် ကောင်းတဲ့ သူတစ်ယောက် ဖြစ်သလို ပေါင်းသင်း ဆက်ဆံရေးလည်း ပြေပြစ်တာမို့ သူမတို့ ခင်မင် သွားခဲ့ကြတယ်။

တစ်ခါတစ်ခါ သူက သူမကို စူးစိုက် ကြည့်နေတတ်တယ်။ အံ့သြစရာ ကောင်းတာက သူကလည်း သူမကို မြတ်မြတ်နိုးနိုးနဲ့ ချစ်နေပါသတဲ့။ သူနဲ့ ခင်မင်ပြီး နှစ်လလောက် အကြာမှာ... သူက သူမကို ဖွင့်ပြော ခဲ့တယ်လေ။ “ကိုယ် ... မင်းကို မြင်မြင်ချင်း ချစ်နေမိတယ်....ကလေးလေးရယ်”တဲ့...။ အဲဒီနေ့ဟာ သူမရဲ့ အပျော်ဆုံးနေ့ ပေါ့။

ဒီလိုနဲ့ သူမတို့ နားလည်မှု ရှိတဲ့ ချစ်သူဘ၀ကို တည်ဆောက် ခဲ့ကြတယ်။ တိုက်တိုက် ဆိုင်ဆိုင် သူ့ကို အဖြေပေးခဲ့ တဲ့နေ့က ဖေဖေါ်ဝါရီ ၁၄ လေ..။ သူက သူမကို ကလေးလေး လို့ခေါ်ပြီး သူ့ကိုတော့ ကိုကိုလို့ ခေါ်စေတယ်။ သူမတို့ရဲ့ ဘ၀လေးဟာ သာယာမှုတွေနဲ့ ပြည့်နေခဲ့တယ်။ သူဟာ သူမအတွက် အရာရာ စံပြ ဖြစ်စေခဲ့တယ်။ ချစ်သူများနေ့ ရောက်တိုင်း သူမကို အမှတ်ရ စရာတွေ၊ ရန်ခုန်စရာတွေ ဖြစ်အောင် ဖန်တီး ပေးခဲ့တယ်။

တစ်နေ့မှာ.. ကိစ္စတစ်ခုနဲ့ သူ့အိမ်ကို ခဏ ပြန်သွားခဲ့တယ်။ မပြန်ခင်မှာ သူက “မငိုပါနဲ့ ကလေးလေးရယ်၊ ကိုယ့်ရဲ့ ကလေးကို စိတ်သောကတွေ မရောက်စေချင်ဘူး..... ကိုယ် မကြာခင် ပြန်လာမှာပါ.... ကလေးကို ဘယ်တော့မှ ပစ်မသွားဘူးနော်.... ကိုယ် ကလေးဆီကို ပြန်လာတဲ့ တစ်နေ့ကျရင် ကလေးအတွက် ရင်ခုန်စရာ လက်ဆောင် တစ်ခု ယူလာခဲ့မယ်” တဲ့....။ အဲဒီအချိန်ဟာ သူ့ကို နောက်ဆုံး တွေ့ခဲ့ရတဲ့ အချိန်ပေါ့။

“ပြည့်ဖြိုးတစ်ယောက် ကား အက်စ်ဆီးဒင့်ကြောင့် ဆုံးပြီ” တဲ့။
ကြားရတဲ့ သတင်းက သူမကို တုန်လှုပ် သွားစေခဲ့ တယ်။ သူငယ်ချင်းတွေက သူမကို စိုးရိမ်စွာနဲ့ ဖေးမကူညီနေတဲ့ အချိန်မှာ သူမရဲ့ စိတ်က အဝေး တစ်နေရာကို ရောက်လို့ နေတယ်။ အဖြစ်အပျက်က မြန်ဆန်လွန်းတဲ့ အတွက် သူမမှာ ယုံကြည်နိုင်ဖို့ အင်အား မရှိခဲ့ဘူးလေ။

သူငယ်ချင်းတွေက သူမအတွက် ယူကြုံးမရ ဖြစ်နေတဲ့ အချိန်မှာ သူမကတော့ သူပြောခဲ့တဲ့ “တစ်နေ့” ဆိုတဲ့ အချိန်ကိုပဲ စောင့်မျှော် နေတော့တယ်...။ သူမရဲ့ စိတ်ထဲမှာလည်း သူ့ကို တိုးတိုးလေး ပြောနေမိတယ်။ “လူတွေက ကျမကို ဘယ်လိုဘဲ မြင်မြင်..... ကျမကတော့ ရှင်ပြောခဲ့တဲ့ အဲဒီ တစ်နေ့ကို ရင်ခုန်စွာနဲ့ စောင့်နေတုန်း ပါပဲ ရှင်ရယ်” တဲ့....။ ။

စိတ်ဝင်စားသေးရင်...